wrapper

Жаңалық

Соңғы жаңалықтар

ТҮРКІСТАН: КОРОНАВИРУС ИНФЕКЦИЯСЫН АНЫҚТАЙТЫН ЖАҢА ЗЕРТХАНА АШЫЛДЫ

Түркістан облысында коронавирус инфекциясының ықтимал белең алу жағдайлары ескеріле отырып, емдеу мекемелерінде жұмыс жоспары бекітілген. Жалпы, медициналық ұйымдарда 6000-ға жуық төсек орны қарастырылған. Облыстағы медициналық мекемелердің пандемияның болуы мүмкін екінші толқынына дайындық барысымен танысу мақсатында БАҚ өкілдеріне арналып пресс-тур ұйымдастырылды. Айта кетерлігі, аудан-қалалардағы ауруханалардың материалды-техникалық базасы жақсартылып, өкпені жасанды желдету аппараттар саны 65 пайызға артқан. Сонымен қатар, 80 оксиген аппараты алынып, оттегі концентраторларының саны 900 бірлікке жеткен. Бұдан өзге, аурухана аймақтарынан салынған оттегі станциялары екі есеге артқан.

Емдеу мекемесін толығымен оттегімен қамтамасыз ететін станцияның бірі Кентау қалалық орталық ауруханасында орнатылған. Аурухана жаңадан ашылған гемодиализ орталығы, компьютерлік томография, сандық рентген аппараты, жаңа үлгідегі УДЗ мен зертханалық диагностикалық аппараттарымен жабдықталған.

«Індеттің бірінші толқынында орын алған кемшіліктерді болдырмау үшін бүгінде барлық тиісті жағдайлар жасалуда. Атап айтсақ, 2-3 айға жететін ауруға қарсы қолданылатын дәрі-дәрмек қоры жасақталды. Қажетті құрал-жабдықтар жеткілікті деңгейде алынды. Енді облыстық медициналық жедел-жәрдем қызметі жыл соңына дейін қосымша 120 көлікпен қамтылатын болады. Шалғай ауылдарға 12 жылжымалы медициналық кешен алынуда», – деді облыстық қоғамдық денсаулық басқармасының басшысы Марат Пашимов.

Сонымен қатар, Арыс қалалық орталық ауруханасында да Covid-19 инфекциясымен күрес жұмыстары қолға алынған. Медициналық ұйым жеке қорғаныс киімдері мен дәрі-дәрмектің екі айлық қорымен қамтамасыз етілген. Жансақтау бөлімінде 9 өкпені жасанды желдету аппараты, қосымша оттегі оксигенераторлары және басқа да қажетті медициналық құрал-жабдықтар орнатылған. Сондай-ақ, коронавирус инфекциясымен күреске жұмылдырылған 19 мобильді топ халыққа қызмет көрсетуде.

Ал Ордабасы аудандық орталық ауруханасында коронавирус инфекциясын анықтайтын зертхана іске қосылған. ПТР сынамасы бойынша анықтайтын зертхана тәулігіне 500-ге жуық тест қабылдауға мүмкіндігі бар. Алдағы уақытта Арыс қаласы мен Бәйдібек аудандарынан сынама қабылдау жоспарлануда. Түркістан облысы бойынша мұндай 12 зертхана жұмыс істеуде. Сонымен қатар, ауданда ескі аурухана ғимараты толық күрделі жөндеуден өткізіліп, 100 төсек орынды провизорлық, 10 орынды обсервациялық бөлім ашылған. Қазіргі таңда емдеу мекемесі жеке оттегі станциясы, 23 өкпені жасанды желдету аппаратымен жасақталған.

Айта кетейік, аймақта бүгінде жалпы 23 429 медицина қызметкері бар. Оның 5000-нан астамы дәрігерлер, қалғандары орта буын мамандары. Ақ халатты жандардың ерен еңбегінің арқасында өңірде қауіпті індетті жұқтырған 3331 науқас толық жазылып шыққан. Жалпы, пандемия белең алғалы облыста Covid-19 инфекциясы расталған 3395 жағдай тіркелді. Олардың 2355-де ауру симптомсыз өткен.

Толығырақ

ТҮРКІСТАНДА БАСПАНАҒА СҰРАНЫС АРТТЫ

Карантин режиміне қарамастан облыс орталығында құрылыс жұмыстары тоқтаған жоқ. Атқарылып жатқан жұмыстарды өз көзімен көріп шыққан облыс басшысы Өмірзақ Шөкеев ең алдымен тұрғын үйлердің сапасына мән берді. Құрылысты дер кезінде аяқтауды міндеттеді.

Түркістан қаласының әкімшілік-іскерлік орталығындағы 3 мыңға жуық пәтерлі 7 қабатты 24 тұрғын үйдің 22-ің құрылысын аяқтауы қараша айына жоспарланған. Бұған қоса, 12 қабатты 45 тұрғын үйдің қабырғасы көтерілуде. Бұл үйлерді пайдалануға беру 2021 жылға жоспарланған. Түркістандықтарды баспанамен қамтамасыз ету үшін ипотекалық тұрғын үйлердің қатары артпақ.

Құрылысы қарқын алған әлемде теңдесі жоқ «Керуен Сарай» туристік кешенінде Шығыс базары, этникалық үлгідегі мейрамханалар мен қонақ үйлер салынуда. Көпсалалы сарайда көне шығыс театры, ұлттық дәмханалар, жасанды көлдер, саябақтар салу жоспарда. Шеберлер көшесінде кәдесыйлар сататын шеберханалар сап түзейді.

Түркістан қаласының орталығындағы «Желілік саябақ», «Аттракциондар саябағы», «Оқушылар сарайы», «Конгресс орталығы», «Жабық бассейні бар спорт сарайы», «Орталық стадион» және «Қ.А.Ясауи мұражайы», «Драматеатр» ғимараттары биыл ел игілігіне берілетін болады. Бұдан өзге, облыс орталығындағы рухани-мәдени орталықты абаттандыру мақсатында ірі жобалар қолға алынып, құрылыс жұмыстары жүргізілуде.

Толығырақ

ТҮРКІСТАНДА 630 ОРЫНДЫҚ АУРУХАНА САЛЫНУДА

Түркістан қаласында 630 орынға лайықталған көпсалалы облыстық аурухананың қабырғасы қалануда. Медициналық орталықтың жалпы көлемі  156 мың шаршы метрден асады. Нысанның құрылысы 2022 жылы аяқталады деп жоспарланған. Заманауи аурухана толықтай іске қосылса, 1500-ге жуық маман жұмыспен қамтылады. Жоба бойынша амбулаторияда 44 жедел жәрдем бөлімі жұмыс жасамақ. Сонымен қатар, ғимаратта жүрек-қан тамырлары реанимациясы, Коронарлық реанимация, IDDIN және күйікті емдеу бөлімдері болады.

Одан өзге, жаңа ауруханада 16 ота жасау бөлмесі, 13 жоспарлы және 3 жедел медициналық көмек көрсету бөлімдері, 34 жалпы дәрігерлік амбулатория тұрғындар үшін қызмет көрсететін болады.

Көпсалалы облыстық аурухананың құрылыс жұмыстарын "KAZPACO" компаниясы жүргізуде. Ол үшін мердігер мекеме 1000-ға жуық жұмысшы жұмылдырған. Құрылыс екі ауысымда жүргізілуде.

Толығырақ

ТҮРКІСТАН: ҰСТАЗДАР КҮНІ ҚАРСАҢЫНДА ҮЗДІК ПЕДАГОГТАР МАРАПАТТАЛДЫ

Еліміз бойынша қазан айының алғашқы жексенбісі «Ұстаздар күні» кәсіби мерекесі болып белгіленген. Осыған орай, бүгін Түркістан облысында  салтанатты жиын болып өтті. Аталмыш шараға Түркістан облысы әкімінің бірінші орынбасары Арман Жетпісбаев, Түркістан облысы адами әлеуетті дамыту басқармасының басшысы Рақымбек Жолаев және облыстың ең үздік ұстаздары мен осы саланың ардагерлері қатысты.

Қазақстан Республикасы Білім және ғылым министрі Асхат Аймағамбетовтың онлайн режимдегі құттықтауымен басталған шарада республикалық «Үздік педагог 2020»  байқауының жеңімпаздары марапатталды. Түркістан облысы бойынша ең үздік деп танылған үш ұстаз,  Нұртас Оңдасынов атындағы Түркістан мамандандырылған мектеп-интернатының математика пәнінің мұғалімі Мамбетов Самат Алтынбекұлы, Жетісай аудандық мамандандырылған «Дарын» мектеп-интернатының тарих пәнінің мұғалімі Молдадосова Алтынай Қайыпқызы, Кентау көпсалалы колледжінің арнайы пән оқытушысы Анарбаева Диларам Рузиматовнаға «Үздік педагог 2020»  мерекелік медалі тағылып, ҚР Білім және ғылым министрлігі тарапынан берілген 2 778 000 теңге ақшалай сыйақы табысталды.

Жиында сөз алған облыс әкімінің бірінші орынбасары Арман Жетпісбаев: «Бәрімізде ұстаздың қасиеті мен қадірінің арқасында орасан зор  жетістіктерге жетіп отырмыз. Өткен жылы елімізде тұңғыш рет «Педагогтардың мәртебесі туралы» заң қабылданып, ұстаздардың қоғамдағы ролін арттыруға үлкен серпін берді. Тұңғыш Президентіміз бен Мемлекет басшысы да ұстаздарға айрықша назар аударып, жағдай жасалуына ықпал етуде. Бүгінгідей маңызы жоғары мерекеде әрбіріңіздің еңбектеріңізге жеміс, жанұяларыңызға жақсылықтар тілеймін», - деп облыс бойынша үздік деп танылған ұстаздарды марапаттарымен құттықтады.

Сонымен қатар, шара аясында Түркістан облысы әкімінің «Облысқа сіңірген еңбегі үшін» төсбелгісі, облыстық маслихаттың ҰБТ-да республика деңгейінде жоғары көрсеткіш көрсеткен мектеп басшыларына арналған «Алғыс хаты», мұғалімдер  күніне орай Түркістан облысы әкімінің «Құрмет грамотасы», республика деңгейінде «Үздік ұстаз» байқауының қатысушыларына арналған  облыс әкімінің «Алғыс хаты» сияқты арнайы марапаттар табысталды.

Сондай-ақ, қазіргі қоғамдағы тәрбиенің ролін арттыру, тәрбиенің жүйесі мен жаңа түрлерін анықтау, сынып жетекшілерінің тапқырлықтары мен тәрбие берушілік деңгейлерін анықтау мақсатында ұйымдастырылған «Үздік сынып жетекші» байқауының жеңімпаздары анықталды. Оқушының тұлғалық қасиеттерінің қалыптасуына көмектесіп, оның қызығушылығы мен бейімділігінің арта түсуіне мүмкіндік туғызатын байқаудың әр аудан, қаладан үздік шыққан 16 ұстазы арнайы дипломмен және ақшалай сыйлықпен марапатталды.

Мерекелік шара барысында облыстық адами әлеуетті дамыту басқармасының басшысы Рақымбек Жолаев, Төлеби ауданы, Леңгір қаласы №1 мектеп-гимназиясының директоры Тезекова Назира Байжанқызы, Сарыағаш аудандық білім және ғылым қызметкерлері кәсіподақ комитетінің төрағасы Тастанбеков Әкімбай Зейітбайұлы  «Білім және ғылым қызметкерлерінің кәсіподағына сіңірген еңбегі үшін» төсбелгісімен марапатталды.

Толығырақ

ТҮРКІСТАН: КАРАНТИН ШЕКТЕУЛЕРІ САҚТАЛАДЫ

Түркістан облысында пандемия кезінде мал сатуға арналған сайттардың саны артқан. Ауыл шаруашылығы саласының мамандары карантиндік жағдайды ескеріп, делдалсыз сауда дамыған сайттардың көбейгенін қолдауда. Ал мал базарларының жабылуы елдегі ет бағасының өсуіне еш әсер етпейді. Түркістан облысындағы карантиннің шектеу шаралары жайлы өткен брифингте сала мамандары осылай деді.

Облыс бойынша 8 айда 138,1 мың тонна ет өндірілген. Бұл елімізде өндірілген еттің 12 % үлесін құрайды. Ауыл шаруашылығы басқармасының мәліметінше, Түркістан облысында еттің бағасы тұрақты. Өндірілген ет облыс халқын толық қаматамасыз етеді.

Пандемия кезінде мал базарларын ашу – жағдайдың ушығуына әкеп соғады. Облыстың бас санэпидемиологының айтуынша, көрші мемлекеттерде індеттің белең алуына байланысты облыстағы сақтық шаралары қайта күшейітілуі мүмкін. БАҚ өкілдерінің сауалдарына жауап берген мамандар, вирустың ең көп тарайтын аумағы адам шоғырланатын орындарда екенін баса айтты.

«Мал базарларында шамамен 7 мыңдай ірі қара сатылса, оны алуға келетіндер мен сатушылардың санын қосыңыз. 20 мың адам жиналған жер нағыз індеттің ошағына айналады. Мұндайда карантин талаптарының сақталуы екіталай. Оның үстіне өзге елдерден тасымалдаудың өзі қауіпті еселей түседі»,-деді Түркістан облыстық тауарлар және қызметтердің сапасы мен қауіпсіздігін бақылау департаментінің басшысы Нұрбек Нышанов.

Толығырақ

ӨМІРЗАҚ ШӨКЕЕВ ОНЛАЙНДА ДАУЫС БЕРДІ

Түркістан облысының әкімі Өмірзақ Шөкеев  «Праймериз» ақпараттық жүйесі арқылы онлайн түрде дауыс беріп, өз таңдауын жасады. Бұл туралы өңір басшысы фейсбук әлеуметтік желісіндегі қоғамдық қабылдау парақшасында жариялады.

«Бұл саяси додаға облысымыздан 1076 азамат қатысып жатыр. Олардың арасында түрлі сала өкілдері, жалынды жастар, көпбалалы аналар да бар. Егеменді ел тарихындағы ерекше праймериздің  артықшылықтарын және шынайылығын қоғам жоғары бағалап отыр. 

Елбасы, Партия Төрағасы Нұрсұлтан Назарбаев «Сенім. Диалог. Болашаққа нық қадам – Nur Otan партиясының 7 серпіні» бағдарламасында партия жұмысын жүйелі жаңғыртуды, жаңа заманның іскер тұлғаларына мүмкіндік беруді тапсырды.

ҚР Президенті Қасым-Жомарт Тоқаев та мемлекеттік және сайланбалы органдардың жауапкершілігін арттыру бағытында тың ойлар қозғап, нақты тапсырмалар бергені де белгілі. Осы праймериз арқылы іскер, отаншыл, әділ, белсенді, білімді көшбасшылар іріктеліп шығады деп сенемін», – деген өңір басшысы партияластарды дауыс беруге шақырды. 

«Қазіргі таңда Түркістан облысына мемлекет тарапынан барынша қолдау көрсетіліп, тарихи шаһарда халықаралық талапқа сай ғимараттар салынып жатыр. Демографиялық өсімі жоғары, халқы еңбекқор өңірдің мәслихаттары да мықты болуы тиіс. «Nur Otan» партиясының праймеризі Түркістан облысын дамытуға үлес қосатын азаматтар шоғырын қалыптастыратыны анық. Барша қатысушыларға сәттілік тілеймін. Ал партияластарды белсенді түрде дауыс беруге шақырамын.», – деді Өмірзақ Шөкеев.

Толығырақ

ТҮРКІСТАН: АРДАГЕРЛЕР АРДАҚТАЛДЫ

Түркістан облысы әкімінің орынбасары Ұлан Тәжібаев Халықаралық қарттар күніне орай облыстық ардагерлер кеңесінің төрағасы Жеңісбек Мәуленқұлов бастаған бір топ аға ұрпақ өкілдерімен кездесіп, құрмет көрсетті. Айтулы мерекемен құттықтап, алғысын білдірді. Елімізде жыл сайын аға буынды құрметтеу, еңбегін тану, олардың мемлекет дамуына көп қырлы үлесіне құрмет ретінде Халықаралық қарттар күні атап өтіледі.

Түркістан облысында 173 000 зейнеткер тұрады. Олардың 35-і Ұлы Отан соғысының ардагерлері, 7,4 мыңнан астамы тыл еңбеккерлері. Қарияларға жыл сайын нақты әлеуметтік қолдау шаралары көрсетілуде. Ардагерлерді сауықтыру және олардың денсаулығын бақылау – үнемі назарда. Жыл сайын арнайы шипажайларда 8 мыңға жуық ардагер денсаулығын түзетуге мүмкіндік алады. Мыңға жуық ардагер басылымдарға тегін жаздырылған.

80 жастан асқан 432 жалғызілікті қариялардың зейнетақыларына ай сайын 1 айлық есептік көрсеткіш мөлшерінде көмек беріліп келеді. 3 мыңнан астам қарттар стационарлық үлгідегі мекемелерде толық мемлекет қамқорлығына алынып, Оңалту орталықтарында, үйде қызмет көрсету жағдайда арнаулы әлеуметтік қызметтермен қамтылуда. Осы бағыттағы биыл Түркістан облысында «Қарттарым – қазынам» облыстық акциясы өтетін болады.

Облыстық ардагерлер кеңесінің ұйымдастыруымен «Әкелер мектебі» жобасы аясында өңірде бала тәрбиесі мен отбасы құндылығының нығаюына елеулі үлес қосып келеді. «Қамқорлық» шарасы аясында биыл 41,3 мыңға жуық ардагерге қоғамдық көліктерге тегін жүруге, коммуналдық қызметтерге жеңілдіктер жасауға жағдай туғызылған.

Толығырақ

ПРАЙМЕРИЗ: ТҮРКІСТАН ОБЛЫСЫНДА 80 МЫҢҒА ЖУЫҚ АДАМ ДАУЫС БЕРЕДІ

Бүгін елімізде «Nur Otan» партиясы праймеризінің дауыс беру кезеңі басталды. Түркістан облысында да жұртшылық онлайн режимде белсенді түрде дауыс беріп жатыр. 1 қазан күні түнгі 24.00-ден бастап өз таңдауларын жасауға кіріскен түркістандықтар кадрлық резервтің мықты азаматтармен толығуына мүдделі.

Праймеризге облыстың барлық аудан, қалаларынан 1076 адам қатысып жатыр. Оның ішінде бастауыш партия ұйымдарынан – 207 (19,2%), өзін-өзі ұсынған – 869 (80,8%), әйелдердің үлесі – 353 (32,8%), жастардың үлесі – 312-ні (28,9%) құрады. Облыс бойынша бір орынға орта есеппен 4 адамнан тіркелді. Жалпы өңірде облыстық және жергілікті мәслихаттарда 320 орын бар.

1-3 қазан аралығында өтетін дауыс беруге 78262  партия мүшесі қатысады деп жоспарланған. Олар 245 бастауыш партия ұйымдарына бекітілген. Облыстың аудан, қалаларында 209 дауыс беру орны белгіленді. Оның ішінде 170 орында онлайн форматта, 39 орында дәстүрлі қағаз бюллетенімен беріледі.

Дауыс беруге қатысатын 78262 партия мүшесінің 68183 (87,1%) онлайн, 10079 (12,3%) қағаз бюлетенмен дауыс береді. Онлайн дауыс беру орындары 600-ге жуық компьютермен қамтамасыз етілді. Жалпы осы праймериз барысында облыстық және аудан, қаладағы филиалдар 77 мыңдай азаматты авторизациялаудан өткізді. Партия мүшелерін түгендеу бойынша ауқымды жұмыстар атқарылды. Үгіт-насихат жұмыстары жүргізіліп, 14-30 қыркүйек аралығында 233 дебат ұйымдастырылды. Облыста праймериз кезеңі жоғары деңгейде өтіп жатыр. Дауыс беру кезеңі 3 қазан сағат 14.00-де аяқталады.

Толығырақ

Қазақстандағы цифрлық телевидение

images/Habarlandru/2.jpg

We have 5 guests and no members online

Байланыс желілері

Қазығұрт ауданы әкімі аппаратының байланыс желілері

 

Блог

Армысыздар, Түркістан облысының  Қазығұрт ...
Template Settings

Color

For each color, the params below will give default values
Blue Green Red Radian
Select menu
Google Font
Body Font-size
Body Font-family